ਬੁਜ਼ਰਗਾਂ, ਭਰਾਵਾਂ, ਭੈਣਾਂ, ਦੋਸਤਾਂ ਨੂੰ ਸਤਿ ਸ੍ਰੀ ਅਕਾਲ

ਅਸਟ੍ਰੇਲੀਆ ‘ਚ Daylight saving time ਮੁਤਾਬਕ ਅਸਟ੍ਰੇਲੀਆ ‘ਚ ਸਮਾਂ ਮੌਸਮ ਮੁਤਾਬਕ ਬਦਲ ਜਾਂਦਾ ਹੈ ਅਤੇ ਇਸੇ ਤਹਿਤ ਹਰਮਨ ਰੇਡਿਓ ਦੀ ਕੌਸ਼ਿਸ਼ ਸੀ ਕਿ ਅਸੀ ਤੁਹਾਡੇ ਸੰਗ ਕੁਝ ਬੇਹਤਰੀਨ ਪ੍ਰੋਗਰਾਮਿੰਗ ਦੇ ਨਾਲ ਉਤਰੀਏ। ਇਸ ਤਹਿਤ ਅਸੀ ਇੱਕ ਵਿਚਾਰ ਨੂੰ ਆਪਣਾ ਕੇਂਦਰੀ ਵਿਚਾਰ ਬਣਾਇਆ ਸੀ…

“ਸੋਚਣ ਵਾਲੀ ਗੱਲ ਇਹ ਨਹੀਂ ਕਿ ਜ਼ਿੰਦਗੀ ‘ਚ ਕਿੰਨੇ ਪਲ ਹੁੰਦੇ ਨੇ, ਮਾਇਨੇ ਇਹ ਰੱਖਦਾ ਹੈ ਕਿ ਇੱਕ ਪਲ ‘ਚ ਕਿੰਨੀ ਜ਼ਿੰਦਗੀ ਹੈ।”

ਅਸੀ ਆਪਣੀ ਪ੍ਰੋਗਰਾਮਿੰਗ ‘ਚ ਤੁਹਾਡੇ ਤੱਕ ਪ੍ਰੋਗਰਾਮ ਕੁਦਰਵਾਣੀ (ਜੋ ਕਿ ਵਾਤਾਵਰਨ ਦੇ ਵਿਸ਼ੇ ‘ਤੇ ਗੱਲ ਕਰਦਾ ਪ੍ਰੋਗਰਾਮ ਸੀ), ਸਾਹਿਤ ਸਟੂਡਿਓ ਲਾਲ ਸਿੰਘ ਦਿਲ ਰੂਹਦਾਰੀਆਂ, 1947 ਪ੍ਰੋਜੈਕਟ, ਪੁਆਧ ਨੂੰ ਲੈ ਕੇ ਬਾਤਾਂ ਪੁਆਧ ਕੀਆਂ, ਸਾਰਥਕ ਜ਼ਿੰਦਗੀ ਲਈ ਵਿਜ਼ਨ ਆਫ ਲਾਈਫ ਜੋ ਕਿ ਪਰਮਜੀਤ ਸਿੰਘ ਹੁਣਾਂ ਵੱਲੋਂ ਪੇਸ਼ ਕੀਤਾ ਜਾਂਦਾ ਸੀ, ਪ੍ਰੋਗਰਾਮ ਮੁਹੱਬਤ ਜ਼ਿੰਦਬਾਦ (ਇਸ ਤਹਿਤ ਅਸੀ ਸਮਾਜ ਦੇ ਸਾਰਥਕ ਉਦਾਹਰਨ ਪੇਸ਼ ਕਰਨੇ ਵਾਲੇ ਜੋੜੇ ਤੁਹਾਡੇ ਮੁਖਾਤਬ ਕੀਤੇ ਸਨ), ਹਰਮਨ ਮਿਊਜ਼ਿਕ ਜੰਕਸ਼ਨ, ਗੁਲਦਸਤਾ ਆਦਿ ਪ੍ਰੋਗਰਾਮ ਲੈ ਕੇ ਆਏ। ਹੁਣ ਸਾਡੀ ਕੌਸ਼ਿਸ਼ ਹੋਰ ਬੇਹਤਰ ਕਰਨ ਦੀ ਹੈ। ਇਸ ਨੂੰ ਅਸੀ ਛੋਟੀਆਂ ਛੌਟੀਆਂ ਗੱਲਾਂ ਮਾਰਫਤ ਲੈ ਕੇ ਆਉਣਾ ਚਾਹੁੰਦੇ ਸਾਂ…ਤਾਂ ਕਿ ਵਿਸਥਾਰ ਨਾਲ ਨੁਕਤਿਆਂ ‘ਚ ਗੱਲ ਕੀਤੀ ਜਾਵੇ…ਇਸ ‘ਚ ਤੁਹਾਡਾ ਯੋਗਦਾਨ ਵੀ ਸਾਨੂੰ ਚਾਹੀਦਾ ਹੈ…ਤੁਹਾਡੇ ਬਿਨਾਂ ਅਵਾਜ਼ ਦਾ ਮੁੰਕਮਲ ਨਹੀਂ ਦੋਸਤੋ…